今日我哋柴灣角天主教小學嘅同學仔，化身成最熱血嘅「小小工程師」！
挑戰「我是力王」機械人工作坊，最打動人嘅唔係最後嘅成品，而係小朋友「由零開始」一手一腳克服挑戰嘅過程。
看著桌上零散嘅零件，同學們要由最核心嘅齒輪箱開始挑戰。對於好多同學仔嚟講，呢個係佢哋第一次真正接觸工具，大家小心翼翼地拿起十字螺絲批，專注地扭好每一顆螺絲及齒輪，考驗手部協調之餘，更加係耐性嘅大考驗！
掌握咗工具嘅運用後，大家就開始利用預設好嘅教材，細心拼湊出機械人嘅機身同雙腳。最後，懷著緊張又期待嘅心情，親手接駁埋電池箱——當通電嘅那一刻，看著自己從零開始組裝嘅機械人成功擺動雙腳、一步一步向前行，大家臉上展現出嘅驚喜與無比成就感，就是最美嘅畫面！
各位柴天小小工程師，繼續用呢份不怕困難、敢於嘗試嘅工程師精神去探索世界啦！